അയാളിലേക്കുള്ള ദൂരം. My diary. Khaleelshamras,

ഒരുപാട് വയസ്സായ ആളാണ്
കൃത്യമായ വയസ്സ് അയാൾക്ക് പോലും
നിശ്ചയമില്ല.
നൂറിലെത്താൻ ഏതാണ്ട് അഞ്ച് വർഷത്തിന്റെ
കുറവേ ഉള്ളു എന്ന്
അദ്ദേഹത്തിന്റെ മക്കൾ തന്നെ
എന്നോട് പറഞ്ഞതാണ്.
അയാൾ എനിക്ക് മുമ്പിൽ
വന്നിരുന്നു.
ഒരു നിമിഷം ഞാൻ അയാളാവാൻ
ശ്രമിച്ചു.
എന്റെ പ്രായം അയാളെത്തിയതു വരെ
എത്തുമെന്ന് ഒരു നിശ്ചയവുമില്ല.
എന്നാലും ഞാൻ അയാളായി
എന്റെ പിറകോട്ടുള്ള ജീവിതത്തെ
ഒന്നു റീബൈന്റ് ചെയ്തു നോക്കി.
അലസമായി ജീവിച്ച
ഒരു പാട് ജീവിത നിമിഷങ്ങളെ,
പകയും കോപവും അസൂയയും
ഒക്കെ
കളങ്കങ്ങൾ തീർത്ത
കുറേ മനുഷ്യബന്ധങ്ങളേയും
അവിടെ കണ്ടു.
ശരിക്കും അങ്ങിനെയൊക്കെ
ജീവിക്കാൻവേണ്ടിയായിരുന്നുവെങ്കിൽ
എന്തിനായിരുന്നു ഈ ജീവിതമെന്ന്
ഞാൻ എന്നോട് സ്വയം ചോദിച്ചു?
പിന്നെ ഞാൻ അയാളിൽ നിന്നും
എന്നിലേക്ക് തിരികെ വന്നു.
ഇനിയും അയാളുടെ പ്രായത്തോളം
എത്താത്ത എന്റെ ജീവിതത്തിലേക്ക്
തിരികെ വന്നു.
അയാളിലേക്കുള്ള എന്റെ ദൂരം
അളന്നു.
അവിടെയെത്താൻ ഇനിയും
കുറച്ച് കൂടി യാത്ര ചെയ്യാനുണ്ട്
എന്ന സത്യം തിരിച്ചറിഞ്ഞു.
ആ യാത്ര ഒരിക്കലും
അലസമാവരുത് എന്നും
തിന്മകളുടെ കറ പുരണ്ട താവരുത് എന്നും
തീരുമാനമെടുത്തു.

Popular posts from this blog

കൗണ്ട് കുറഞ്ഞാൽ........... medical article from Dr. Khaleelshamras. MD

ഡെങ്കിപനി ചികിൽസയും പ്രതിരോധവും. Dr Khaleelshamras

പെരുന്നാൾ ആശംസകൾ. ഖലീൽശംറാസ്