നിന്നിൽനിന്നും എനിക്ക് പഠിക്കാനുള്ളത് khaleelshamras


എന്നിക്കു കണ്ണുകളുണ്ടായിരുന്നു
പക്ഷെ ഞാനൊന്നും കണ്ടില്ല .
സുന്ദരമായ കാഴ്ചകളിലൂടെ
എൻറെ ജീവിതം കടന്നുപോയപ്പോഴൊക്കെ
ഞാൻ കണ്ണടച്ച് ഉറങ്ങുകയായിരുന്നു .
പക്ഷെ
കണ്ണുകളിൽ കാഴ്ച്ചയില്ലാത്ത നീ
അതൊക്കെ കണ്ടു .
കാരണം നിന്റെ അടഞ്ഞ കണ്ണുകൾക്ക്‌
പിറകിലെ നിന്റെ ആത്മാവിന്റെ
കണ്ണിൽ ഓരോ കാഴ്ചയും നീ പകർത്തിയെടുത്തു .
എന്നിട്ടും ലോകമെന്നെ കാഴ്ച്ചയുള്ളവെനെന്നും
നിന്നെ അന്ധനെന്നും വിളിച്ചു .
ആങ്ങ്യഭാഷയിൽ നീ കൂട്ടാളികളോട്
സംസാരിച്ചത് ഹ്രദയത്തിന്റെ ഭാഷയിൽ ആയിരുന്നു.
അട്ടഹസ്സിക്കാൻ കഴിയാത്ത
നിന്റെ ചുണ്ടുകളിൽനിന്നും അടർന്നുവീണ
മൌനത്തിന്റെ വാക്കുകളിൽ
സന്തോഷത്തിന്റെ ഈരടികൾ കേൾക്കാമായിരുന്നു .
കോപത്തിന്റെ അട്ടഹാസങ്ങളും
അസൂയയുടെ കുത്തുവാക്കുകളും
വഞ്ചനയുടെ ആത്മാവിനെ മൂടിവെച്ച്
വാക്ദാനങ്ങൾ നൽകിയ
എന്റെ നാവിനെ
നന്നായി  സംസാരിക്കുന്നവൻ എന്നു വിളിച്ചപ്പോൾ
മൌനിയായി സ്നേഹത്തിൽ ഭാഷയിൽ
സംസാരിച്ച നിന്നെ ഊമയെന്നു വിളിച്ചു .
ഞ്ഞാൻ യാത്രയായ വഴികളിലൊക്കെ
പ്രക്രതി പാട്ടു പാടുന്നുണ്ടായിരുന്നു .
ഹ്ര്ദയങ്ങൽ സ്നേഹത്തിന്റെ
ഭാഷയിൽ സംസാരിക്കുന്നുണ്ടായിരുന്നു .
എന്റെ കാതുകളതൊന്നും കേട്ടില്ല .
പക്ഷെ നീ അതൊക്കെ കേട്ടു
എന്നിട്ടും ലോകമെന്നെ
കേൾവിശക്തിയുള്ളവെനെന്നും
നിന്നെ ബധിരനെന്നും വിളിച്ചു .
നല്ലത് കേള്ക്കാൻ,
സംസാരിക്കാൻ ,
കാണാൻ
ഞാൻ നിയെന്ന
അന്ധനിൽനിന്നും ബധിരനിൽനിന്നും മൂകനിൽനിന്നും
പഠിച്ചേ പറ്റൂ .




Popular posts from this blog

കൗണ്ട് കുറഞ്ഞാൽ........... medical article from Dr. Khaleelshamras. MD

ഡെങ്കിപനി ചികിൽസയും പ്രതിരോധവും. Dr Khaleelshamras

പെരുന്നാൾ ആശംസകൾ. ഖലീൽശംറാസ്